இலங்கையில் குறைந்தபட்ச எரிபொருள் கையிருப்பைப் பேணுவதை உறுதி செய்யுமாறு சம்பந்தப்பட்ட நிறுவனங்களுக்கு எரிசக்தி அமைச்சின் செயலாளர் அறிவித்துள்ளதாக அமைச்சர் அனுர கருணாதிலக்க இன்று (06) நாடாளுமன்றத்தில் தெரிவித்துள்ளார்.
எதிர்காலத்திலும் எரிபொருள் விநியோக நடவடிக்கைகள் தடையின்றி தொடர்வதற்கான ஏற்பாடுகள் மேற்கொள்ளப்படும் எனவும் அமைச்சர் குறிப்பிட்டுள்ளார்.
இது தொடர்பில், இலங்கை பெட்ரோலியக் கூட்டுத்தாபனம் (CPC) இந்தப் பொறுப்பை ஏற்கும் வகையில் நடவடிக்கை எடுக்க முடியும் என அமைச்சர் தெரிவித்துள்ளார்.
ஏற்கும் வகையில் நடவடிக்கை
இதனிடையே, சந்தைக்கு இலங்கை பெட்ரோலியக் கூட்டுத்தாபனம் வழங்கும் டீசலின் பங்கு குறிப்பிடத்தக்க அளவில் அதிகரித்துள்ளதாகவும் அவர் கூறியுள்ளார்.
முன்னர் சுமார் 54 சதவீதமாக இருந்த டீசல் சந்தைப் பங்கு தற்போது 82 சதவீதமாக அதிகரித்துள்ளதாகவும் அவர் கூறியுள்ளார்.